Yangilanayotgan Konstitutsiya

MY5 telekanali "Obʼektiv" koʻrsatuvi nishonida bugun soat 20.00 da propiska va homiladorlik masalasi haqida soʻz boradi!

2023 yil 1 apreldan pensiyalar va nafaqalar miqdori 7 foizga oshirilishi ortidan muhim maʼlumotlarga eʼtibor qaratishni lozim topdik. Yaʼni Yangilanayotgan Konstitutsiyada ham pensiyalar miqdorlariga oid alohida norma kiritilgan boʻlib, unga koʻra, pensiyalar miqdorlari rasman belgilangan eng kam isteʼmol xarajatlaridan oz boʻlishi mumkin emas! Xoʻsh, bugungi kunda eng kam isteʼmol xarajatlari qancha?

Agar biz soliqni kamaytiradigan boʻlsak, davlatda mablagʻ yetmay qoladi, degan tushuncha nechogʻlik asosli? Bugun MY5 telekanalining “Obʼektiv” koʻrsatuvi ijodkorlari mutaxassislardan necha yillar davomida ongimizga singib ketgan ana shu tushunchaga oydinlik kiritilishi haqida maʼlum qildi.

Yangilanayotgan Konstitutsiyaning 65-moddasida farzandlarimiz oldida davlatning burchi kafolatlanyapti. Mutaxassislarning qayd etishicha, “ota-onalar va ularning oʻrnini bosuvchilar” degan tushuncha birinchi marta kiritilyapti”. Shuningdek, “eng yaxshi shart-sharoit yaratish davlatning burchi“ deb belgilanayotgani taʼkidlanyapti. Ammo MY5 telekanalining “Obʼektiv” koʻrsatuvi ijodkorlari esa mutaxassislarga muhim masalani koʻndalang qoʻyib, qush uyasida koʻrganini qilishini ham eslatib oʻtgan. Ehtimol bu borada ham mutaxassislarda aniq izoh bordir. Bugun soat 20.00 da dasturni koʻrsak, bunga ham javob olishimiz mumkin, bizningcha.

“Qilmishi ortidan bir kishi sudlangan boʻlsa, bu holat butun bir oila kelajagiga, yaʼni uning farzandlari taqdiriga soya solgani boʻlgan voqelik”, deydi MY5 telekanalining “Obʼektiv” tok-shousi mutaxassislari Yangilanayotgan Konstitutsiyada bu borada kutilayotgan oʻzgarishlar haqida xalqqa, jamoatchilikka tushuntirish berarkan.